Ndërkohë edhe Ministria e Punëve të brendshme i ka hedhur poshtë si të pavërteta pohimet e LSDM-së për furnizimin e Souftuerit. Sipas MPB-së bëhet fjalë për ripërtëritje të rregullt të licencave për softuer të specializuar forenzik, të cilin Ministria më shumë se një dekadë e përdor për analizë të të dhënave digjitale të telefonave celularë dhe pajisjeve të tjera elektronike, në kuadër të hetimeve që udhëhiqen kryesisht në bazë të urdhrave dhe në përputhje me procedurat ligjore.
Sipas MPB-së këto vegla nuk mundësojnë dhe nuk shfrytëzohen për përgjim, por paraqesin pajisje standarde për forenzikë digjitale, siç përdoren edhe në institucione të tjera të sigurisë në botë.
