Dybala po bën përpjekjet e fundit që të jetë i gatshëm për finalen e Ligës së Evropës.
Roma dhe Sevilla do të përballen të mërkurën mbrëma në finalen e madhe të Ligës së Evropës.
E në dyshim për këtë finale të madhe është ylli më i madh i Romës, Paulo Dybala i cili vazhdon të jetë i lënduar.
Sulmuesi argjentinas nuk është në gjendjen e tij më të mirë, i cili ka pasur shqetësime javëve të fundit.
29-vjeçari nuk udhëtoi me skuadrën për në Firence në fundjavë duke vazhduar stërvitjen në Romë me stafin e skuadrës për t’u rikuperuar.
Dybala synon të jetë me ekipin të mërkurën ndaj Sevillas të paktën në stol, duke u aktivizuar në pjesën e dytë.
Reprezentuesi argjentinas nuk është paraqitur për Romën që nga ndeshja e parë në Olimpico ndaj Bayer Leverkusen, derisa vazhdon të punojë fortë që të jetë i pranishëm në finalen e Budapestit.
Gjithsesi mediat italiane kanë raportuar se Dybala do të jetë gati, por është një strategji e Jose Mourinhos duke thënë se po e bën gati ekipin pa argjentinasin.
