Pesë alpinistë kanë vdekur ndërsa një tjetër është në gjendje të rëndë shëndetësore, pas një incidenti që ka ndodhur në alpet Zillertal në Austri.
Raportohet se ende nuk dihet shkaku i këtij incidenti me fatalitet, por besohet se gjashtë persona janë ngjitur me litarë në një maje, e që të gjithë kanë rënë në tokë, shkruan BBC, transmeton Koha.net.
Pesë helikopterë janë dërguar menjëherë në vendin e ngjarjes, por vetëm një ka arritur të mbijetojë i cili u dërgua në spital.
Zyrtarët thonë se alpinistët ishin duke kaluar nën kalimin e Mannlkarscharte, që është një zonë shumë e rrezikshme.
