Më 13.05.2026, në orën 19:00, nëpunës policorë nga SPB Strumicë – NJPB Gjevgjeli e privuan nga liria G.A. (38) nga Bogdanci, duke vepruar pas denoncimit paraprak se fizikisht e kishte sulmuar djalin e tij të mitur. Personi është ndaluar në Stacionin Policor Gjevgjeli dhe për ngjarjen janë njoftuar prokurori publik nga Prokuroria Themelore Publike Gjevgjeli dhe Qendra për Punë Sociale Gjevgjeli.
Më 13.05.2026, në orën 20:30 në Radovish, nëpunës policorë nga SPB Strumicë – NJPB Radovish e privuan nga liria Gj.S. (29) nga Radovishi. Sipas denoncimit, ai në shtëpinë familjare ishte sjellë në mënyrë agresive ndaj nënës së tij. Personi është ndaluar në Stacionin Policor Radovish dhe për ngjarjen është njoftuar prokurori publik nga Prokuroria Themelore Publike Radovish.
Më 13.05.2026, në orën 23:10, në një fshat të Strumicës, nëpunës policorë nga SPB Strumicë privuan nga liria një banore 71-vjeçare të fshatit, duke vepruar pas denoncimit paraprak se rreth orës 21:00 në shtëpinë familjare fizikisht e kishte sulmuar të renë e saj 43-vjeçare. Personi është ndaluar në Stacionin Policor Strumicë dhe për ngjarjen është njoftuar prokurori publik nga Prokuroria Themelore Publike Strumicë.
Më 14.05.2026, në orën 06:00, në SPB Shkup, një grua 33-vjeçare nga Shkupi denoncoi se rreth orës 00:30 në shtëpinë familjare në territorin e Karposhit ishte sulmuar fizikisht nga bashkëshorti i saj 49-vjeçar, i cili edhe më parë e kishte keqtrajtuar psikikisht dhe fizikisht, por ajo deri më tani nuk e kishte denoncuar. Ndërsa, në orën 06:55, në SPB Shkup, 49-vjeçari denoncoi se rreth orës 00:30 në shtëpinë familjare në territorin e Karposhit ishte sulmuar fizikisht nga bashkëshortja e tij 33-vjeçare dhe theksoi se gjatë periudhës së kaluar kishte qenë i keqtrajtuar psikikisht dhe fizikisht nga ajo.
