Sot bëhen pesë vjet nga zjarri në spitalin modular Covid në Tetovë, ku humbën jetën 14 persona dhe dhjetëra të tjerë u plagosën.
Nga viktimat, 12 ishin pacientë që po trajtoheshin për Covid-19, dhe dy ishin të afërm të tyre të ngushtë.
Pas një procesi të gjatë gjyqësor, drejtorët e spitalit të Tetovës, Florian Besimi dhe Artan Etemi, u dënuan me tre vjet burg për krime të rënda kundër sigurisë publike, ndërsa subjekti juridik Spitali Klinik u gjobit me një milion e treqind mijë euro.
Në gusht të këtij viti, Prokuroria Themelore Publike për Ndjekjen Penale të Krimit të Organizuar dhe Korrupsionit mbylli hetimin për prokurimet publike që lidhen me ndërtimin e 19 spitaleve modulare në Maqedoni, duke vlerësuar se nuk ka baza për dyshim për keqpërdorim të pozitës dhe autoritetit zyrtar ose për ndonjë vepër tjetër penale që ndiqet sipas detyrës zyrtare.
The post Pesë vjet nga zjarri në spitalin modular Covid në Tetovë që vrau 14 persona appeared first on Alsat.
