Pioli dhe Giroud do të zgjasin kontratat me Milanin.
Stefano Pioli dhe Olivier Giroud pritet që të qëndrojnë te Milani edhe për sezonin e ardhshëm – 2023/24.
Sipas “La Gazzetta dello Sport”, trajneri dhe sulmuesi francez do të jenë pjesë e kampionëve të Serie A edhe për së paku një sezon tjetër, transmeton Gazeta Express.
Kontratat aktuale të Piolit dhe Giroudit skadojnë më 30 qershor 2023.
Sipas gazetës italiane, trajneri 57-vjeçar do të nënshkruajë kontratën e re në nëntor.
Njoftimi zyrtar nga klubi i Milanit do të bëhet gjatë pushimit të ligave shkaku i Kampionatit Botëror.
Ndërsa, sulmuesi 36-vjeçar thuhet se do të rinovojë pas përfundimit të Botërorit, që mbyllet më 18 dhjetor.
