Një 35-vjeçar, i shpallur në kërkim ndërkombëtar si pjesë e një organizate kriminale për trafik lëndësh narkotike, u arrestua në Tiranë me qëllim ekstradimin drejt Italisë.
Gjykata Penale e Peruxhias kishte caktuar masën “Arrest në burg” për shtetasin A.S., 35 vjeç, për veprat penale “Organizata kriminale” dhe “Trafikimi i lëndëve narkotike”.
Shërbimet e Interpol Tirana, në bashkëpunim me Interpol Romën, po vijojnë veprimet procedurale për ekstradimin e tij.
Njoftimi:
Akuzohet në Itali, si pjesëtar i një organizate kriminale që trafikonte lëndë narkotike, kapet në Tiranë dhe arrestohet me qëllim ekstradimin, 35-vjeçari.
Shërbimet e Sektorit të Forcës së Posaçme “Shqiponja”, në bashkëpunim me ato të Seksionit për Hetimin e Narkotikëve, bazuar në informacionet e shkëmbyera me Interpol Tiranën, për vendndodhjen e një shtetasi të kërkuar ndërkombëtarisht, kanë lokalizuar në rrugën “Dritan Hoxha” dhe kanë arrestuar provizorisht, me qëllim ekstradimin në Itali, shtetasin:
-A. S., 35 vjeç, banues në Tiranë.
Ky shtetas ishte shpallur në kërkim ndërkombëtar, pasi Gjykata Penale e Peruxhias, Itali, i ka caktuar masën e sigurisë “Arrest në burg”, për veprat penale “Organizata kriminale” dhe “Trafikimi i lëndëve narkotike”.
Interpol Tirana vijon veprimet procedurale, në bashkëpunim me Interpol Romën, për ekstradimin e këtij shtetasi, në Itali.
