Plagosi me thikë bashkëshorten, arrestohet pas 24 orësh autori i dyshuar

Është vënë në pranga 55-vjeçari i cili një ditë më parë plagosi me thikë bashkëshorten e tij.


Policia e Sarandës bën me dije se 55-vjeçari me iniciale A.B., është arrestuar sot, rreth 24 orë pas ngjarjes, në vendin e quajtur “Kthesa e Kakomës”, në kushtet kur ishte bërë i pamundur largimi i tij.

Aktualisht e lënduara me iniciale M. B., 51 vjeçe, ndodhet në spital nën kujdesin e mjekëve.

Njoftimi:

Sarandë/Kapet dhe vihet në pranga brenda 24 orëve autori i dyshuar që plagosi me thikë bashkëshorten.

Në vijim të informacionit paraprak të dhënë ditën e djeshme, lidhur me ngjarjen e ndodhur rreth orës 17:40, në lagjen nr. 4, Sarandë, ku dyshohet se shtetasi A. B., 55 vjeç, gjatë një konflikti për motive të dobëta në banesë, plagosi me mjet prerës (thikë) bashkëshorten e tij, shtetasen M. B., 51 vjeçe, ju informojmë se:

Falë punës së pandërprerë dhe veprimeve të shpejta hetimore e operacionale, shërbimet e Komisariatit të Policisë Sarandë bënë të mundur lokalizimin dhe arrestimin e autorit të dyshuar, shtetasit A. B., brenda 24 orëve nga momenti i ngjarjes, në vendin e quajtur “Kthesa e Kakomës”, në kushtet kur ishte bërë i pamundur largimi i tij, si rezultat i kontrolleve të shumta policore në terren.

Shtetasja e dëmtuar, M. B., ndodhet e shtruar në spital, nën kujdesin e mjekëve.

Materialet do t’i referohen Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme procedurale.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme