Një 55 vjeçare është proceduar penalisht pasi ka tentuar të kalojë pikën kufitare në Kakavijë për të shkuar drejt Greqisë me 11,800 euro të padeklaruara.
Shtetasja E.R., banuese në Greqi, i kishte fshehur paratë në çantën e saj, në të cilën u zhvillua një kontroll dhe u gjetën shuma monetare e padeklaruar.
55 vjeçarja akuzohet për veprën penale “Mosdeklarimi në kufi i të hollave dhe i sendeve me vlerë”.
Sakaq, vlera prej 11,800 euro është sekuestruar nën cilësinë e provës materiale.
Njoftimi i policisë:
PKK Kakavijë
Udhëtonte drejt Greqisë dhe nuk deklaroi shumë e eurove që kishte me vete, procedohet penalisht 55-vjeçarja.
Sekuestrohen 11 800 euro që 55-vjeçarja kishte me vete.
Si rezultat i rritjes së vigjilencës së shërbimeve të Policisë Kufitare, me qëllim parandalimin dhe goditjen e krimeve në kufi, në PKK Kakavijë, në dalje të Shqipërisë, u krye kontroll në çantën e shtetases E. R., ku u gjetën 11 800 euro, të cilat kjo shtetase nuk i kishte deklaruar konform ligjit.
Në vijim të veprimeve procedurale për rastin, u referuan materialet në Prokurori, ku nisi procedimi penal, për veprën penale “Mosdeklarimi në kufi i të hollave dhe i sendeve me vlerë”, për shtetasen E. R., 55 vjeçe, banuese në Greqi. Gjithashtu, u sekuestrua në cilësinë e provës materiale, shuma e eurove.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
