Të dielën në Qendrën e Paraburgimit në Lipjan, policia ka arrestuar një person të gjinisë mashkullore sepse gjatë vizitës në burg i është gjetur dhe konfiskuar sasi e substancës narkotike.
Më pas me urdhër të prokurorit ky person është liruar në procedurë të rregullt, transmeton Express.
Njoftimi i plotë i policisë:
Qendra e Paraburgimit, Lipjan 04.06.2017-09:00. Është arrestuar i dyshuari mashkull K/Shqiptar, pasi që i njëjti gjatë një vizite në qendër të paraburgimit, i është gjetur dhe konfiskuar një sasi e vogël e substancës së dyshuar narkotike. Me vendim të prokurorit i dyshuari është liruar në procedurë të rregullt.
