Polonia do të dërgojë trupa në Finlandë për të mbrojtur kufirin me Rusinë, shkroi në X (ish-Twitter) drejtori i Zyrës Polake për Sigurinë Kombëtare, Jacek Sievera.
“Ka një kërkesë zyrtare nga aleatët për të ofruar mbështetje përpara se të ndodhë një sulm hibrid në kufirin finlandez. Polonia synon t’i përgjigjet pozitivisht kërkesa e aleatit dhe partnerëve tanë të NATO-s në BE. Një grup këshilltarësh ushtarakë do të japin informacion në vend për çështjet e sigurisë kufitare, duke përfshirë edhe nivelin operacional”, tha Severa.
Finlanda vendosi të mbyllë pikat kufitare me Rusinë për shkak të fluksit të shtuar të emigrantëve, teksa autoritetet vendase akuzojnë Kremlinin se po i mbështet ata për të kaluar në mënyrë të paligjshme kufirin.
Ndërkohë që Kremlini e cilësoi irracional vendimin e Finlandës për mbylljen e kufijve. Finlanda ka filluar të bllokojë hyrjen nga territori rus për shkak të fluksit të emigrantëve të paligjshëm. Më parë, rojet kufitare finlandeze duhej të përdornin gaz lotsjellës kur emigrantët u përpoqën të hynin ilegalisht në kampe nga Rusia, raportojnë mediat e huaja.
Që nga 18 nëntori, katër pika kufitare në kufirin Finlandë-Rusi janë mbyllur dhe më 22 nëntor qeveria finlandeze vendosi të mbyllë pothuajse të gjitha pikat kufitare. Aktualisht funksionon vetëm një pikë kufitare, e vendosur në Lapland.
Dje u bë e ditur se Finlanda ka vendosur të mbyllë të gjitha pikat kufitare në kufirin me Rusinë. Vendimi për mbylljen e kufirit lindor do të hyjë në fuqi të enjten (22 Nëntor) në orën 00:00 (ora lokale) dhe do të jetë në fuqi deri më 13 dhjetor.
