Kompania nën pronësi të Volkswagenit, Porsche mund të zhvillojë një automjet fluturues për pasagjerë me qëllim që të garojë me rivalët në tregun e taksive urbane.
“Kjo do të kishte kuptim. Nëse vozis prej [bazës së Porsches] Zuffenhausen deri në aeroportin e Stuttgartit, më duhen së paku gjysmë ore, nëse jam me fat. Fluturimi do ta bënte për tre minuta e gjysmë”, ka thënë shefi i kompanisë Porsche, Von Platen.
Porsche do t’i bashkohej një numri të kompanive që janë duke punuar në dizajnin e veturave fluturuese me qëllim që t’i japin tjetër formë tregut të transportit, transmeton Koha.net.
Dizajnuesi i Volkswagenit, Italdesign dhe Airbus vitin e kaluar në panairin e veturave në Gjenevë prezantuar një veturë fluturuese me dy ulëse, të dizajnuar për të shmangur trafikun e ngjeshur nëpër rrugët e qytetit.
Me planet e Porsches, pasagjerët do të jenë në gjendje që të kenë kontroll në veturat fluturuese, por nuk do të kenë nevojë që të kenë leje pilotimi sepse funksionet e veturës do të jenë automatike.
Rival të Porsches për veturat fluturuese pritet të jenë Volocopter, e përkrahur nga Daimleri, Lilum Jet dhe eVolo.
