Presidenti i Türkiye-s, Recep Tayyip Erdoğan, vizitoi minierën e qymyrit në rrethin Amasra të provincës veriore turke Bartın, ku 41 punëtorë humbën jetën si pasojë e shpërthimit që ndodhi dje, raporton Anadolu Agency (AA).
Erdoğan inspektoi nga afër minierën, ku u informua mbi punimet dhe situatën e fundit nga ministri i Brendshëm Süleyman Soylu, ministri i Punës dhe Sigurimeve Shoqërore Vedat Bilgin dhe ministri i Energjisë së Burimeve Natyrore Fatih Dönmez.
Presidenti Erdoğan më pas kaloi në Qendrën e Koordinimit të Agjencisë së Menaxhimit të Fatkeqësive dhe Emergjencave (AFAD), ku kryesoi një takim koordinativ.
Erdoğan gjatë inspektimeve u shoqërua nga kryeparlamentari Mustafa Şentop, nënpresidenti Fuat Oktay, ministri i Shëndetësisë Fahrettin Koca, ministri i Transportit dhe Infrastrkuturës Adil Karaismailoğlu, nënkryetari i AK Partisë Binali Yıldırım, shefi i Drejtorisë së Komunikimeve Fahrettin Altun dhe zëdhënësi presidencial İbrahim Kalın.
