Ditën e sotme i është dhënë lamtumira e fundit At Antonio Belushit, priftit arbëresh i cili u nda nga jeta dy ditë më parë.
Në arkivolin e Belushit drejt banesës së fundit, u vendosën sipër flamuri i Shqipërisë dhe ai i Kosovës.
Belushi ishte quajtur edhe “Ati shpirtëror i arbëreshëve të Italisë” dhe kishte qenë pritës i pothuaj të gjithë shqiptarëve që i vizitonin arbëreshët në Itali.
Prifti arbëresh gjatë gjithë jetës së tij ishte angazhuar për kauzën shqiptare.
Belushi ka shërbyer si prift famullitar arbëresh dhe ka themeluar revistat “Vatra Jonë, “Lidhja”, shoqatën kulturore dhe shtëpinë botuese “G. Kastrioti”, Bibliotekën Ndërkombëtare “Bellusci”.
