Në pikën kufitare Tabanoc, Pelince dhe Bogorodicë për të hyrë në vend, ka frekuencë të shtuar të automjeteve, ndërsa pritja është rreth një orë. Në pikat e tjera kufitare nga pala e Maqedonisë së Veriut nuk ka vonesa të mëdha për hyrje dhe dalje nga vendi.
Ndryshe, qarkullimi në rrugët shtetërore zhvillohet në rrugë të thata, ndonëse intensiteti i qarkullimit në rrugët jashtë zonave urbane është rritur.
Nga 1 korriku deri më 31 gusht, në rrugët shtetërore të Maqedonisë është vendosur regjim i qarkullimit veror, i cili kufiozn lëvizjen e mjeteve të rënda me peshë totale mbi 15 tonë, gjatë fundjavës dhe në ditët me temperatura jashtëzakonisht të larta, njofton Lidhja Auto Moto e Maqedonisë (LAMM).
