Mërgimtarët të cilët kanë vendosur të vijnë në Kosovë për festat e fundvitit, duhet të presin mbi një orë e gjysmë në vendkalimin kufitar Merdare, derisa për të dalë nga Kosova pritet 3-5 minuta.
Pritje ka edhe në vendkalimin kufitar në Jarinje dhe te Dheu i Bardhë. Për të hyrë në Kosovë përmes këtyre pikave, duhet të pritur deri në 30 minuta. Sipas të dhënave të Qendrës Kombëtare për Menaxhim Kufitar, të publikuara të shtunën, pikat tjera kufitare janë të lira dhe dalja e hyrja mund të bëhet nga tre deri në pesë minuta.Qendra Kombëtare për Menaxhim Kufitar, gjithashtu bën të ditur se të gjitha rrugët janë të kalueshme.
