Kreu i Komisionit Qendror të Zgjedhjeve, Ilirjan Celibashi, në një konferencë për mediat ka deklaruar se nga numërimi i votave në rang vendi janë evidentuar 109 fletë votimi më shumë se numri i qytetarëve që kanë votuar.
Celibashi sqaroi se KQZ ka nisur verifikimet për të përcaktuar nëse bëhet fjalë për një gabim nga ana e atyre që kanë mbyllur procesverbalet në qendrat e votimit apo nga numëruesit gjatë hedhjes së të dhënave.
Ai bëri gjithashtu me dije se 9 kuti janë kontestuar si të parregullta. Nga këto, 7 janë shpallur të tilla që në momentin e dorëzimit, ndërsa 2 janë kontestuar nga KZAZ pas marrjes së tyre në dorëzim.
Sa i përket votave të diasporës, Celibashi informoi se deri tani janë konsideruar të vlefshme 159,921 vota, ndërsa 1,666 janë shpallur të pavlefshme.
Ilrian Celibashi: Janë 1 462 352 fletë votimi të gjetura në kuti, janë 1 462 461 numërimi votuesve të shënuar në proces verbale që komisionerët e qendrave të votimin kanë përpiluar, ka një diferencë me 109 fletë mes tyre.
Mes numrit të zgjedhësve dhe numrit të fletëve të votimit. Jemi duke bërë verifikimet se ku është gabimi në të gjithë territorin. Është i atyre që kanë mbyllur procesverbalin apo të atyre të numëruesit kur kanë hedhur të dhënat.
Nga 1 462 352 fletë votimit të gjendura në kuti, 1 460 833 janë vota vë vlefshme dhe 55 519 janë të pavlefshme. Janë vetëm 9 kuti të parregullta që ka rezultuar nga procesi i vlerësimit, 7 të tilla janë shpallur që në momentin e dorëzimit, ndërsa 2 janë kontestuar të tilla, na KZAZ pasi marrjes së kutive në dorëzim.
Nga votat e diasporës, deri tani 159 921 vota të vlefshme, ndërsa 1666 vota të pavlefshme deri më tani. Jemi në shqyrtimin e zarfeve të ardhura nga Greqia, besoj do të përfundoj sot dhe më pas do ketë numërimin e votave për kandidatët.
