“Çmenden” pronarët e Chelseat, ofrojnë 120 milionë euro për Enzo Fernandez.
Chelsea raportohet se është rikthyer fuqishëm në negociata me Benfica për Enzo Fernandez pasi ata e konsiderojnë atë si prioritet kryesor për t’i konsoliduar edhe më tutje radhët e skuadrës.
Pas refuzimit të propozimit prej 85 milionë euro javë më parë, Chelsea tani është rikthyer në bisedime me ekipin portugez dhe është i hapur për të ofruar 120 milionë euro për shërbimet e Enzos, raporton gazetari Fabrizio Romano, transmeton lajmi.
‘Blutë’ e Londrës janë të fiksuar pas Enzo-s pasi dëshirojnë të parakalojnë klube të tjera të interesuara për nënshkrimin e tij për vitin e ardhshëm.
Presidenti i Benficas, Rui Costa nuk ka ndërmend ta pranojë propozimin pasi dëshiron të mbajë Enzon, por Chelsea do të insistojë deri në fund.
