Lidhur me aksidentin që ka ndodhur në Shkup e ku janë lënduar 11 veta ka reaguar gazetari i njohur Furkan Saliu.
Sipas tij, prindi i të miturit që ka shkaktuar këtë incident ( përndryshe pronar i një portali në gjuhën shqipe në Shkup) në vend që të interesohet për të lënduarit, mundohet që me para të ndërhyjë e ta ndryshoj të vërtetën dhe raportin policorë.
Më poshtë ua sjellim në tërësi postimin e Furkan Saliut në faqen e tij të FB:
“Evladi është i shenjtë dhe çdo prind do të kishte bërë gjithçka për fëmijën e vet, por k”ur tenton t’ia mbulosh gabimet vetëm se i bën dëm evladit tënd.
Djaloshi në moshë të mitur i pronarit të një portali shqiptar, vozit në rrugë lokale mbi 130 km/h dhe aksidenton 2 vetura duke lenduar rëndë 11 persona, në mesin e të cilëve edhe katër fëmijë.
Çka bënë prindi i brengosur? Në vend se të thirr familjarët dhe të interesohet për gjendjen shëndetësore, ai thirr për t’iu ofruar para që ta ndryshojnë deklaratën qe ai ti përdor lidhjet e tij për ta ndryshuar raportin policor.
Të kishe thirr zotëri për të pyetur për gjendjen shëndetësore do të kuptojë se gruaja më e moshuar në veturë nesër duhet të kryej 3 operacione në një ditë. Do ta kishe ditur se 3 prej 11 personave janë në gjendje të rëndë dhe ndoshta do të vinte turp te ofrosh para që të ndryshohet deklarata.
Djali është i ri, ka bërë gabim, por duke tentuar që t’ia mbulosh gabimin nesër unë mund të jem viktima e tij.
Përveç këtij veprim të turpshëm, i njëjti person nuk ka lënë media pa thirr’ që ta largojnë lajmin për aksidentin. Pra i nderuar, urdhëro fshije këtë post.
E për #MPB kam një mesazh… Mos e dëgjoni prindin se ai vepron me emocione, kryeni punën profesionalisht deri në fund se nesër ose do të përgjigjeni ose do të jeni viktima e radhes nga ndonjë aksident tjetër trafiku.” (Furkan Sali)
