Hamasi pretendon se Izraeli në sulmin ajror ka goditur spitalin Al-Ahli Arabi në qytetin e Gazës.
Pretendojnë se në këtë sulm janë vrarë të paktën 500 persona. E më herët zëdhënësi i ministrisë palestineze të Shëndetësisë, ka njoftuar se nga 200 deri në 300 persona janë vrarë në sulmin e spitalit, derisa Hamasi ka rritur shifrën në 500, transmeton Telegrafi.
Hamasi publikoi këtë kumtesë në Telegram si kundërpërgjigje për sulmin mbi spital, që siç pretendojnë zyrtarët e saj, janë vrarë qindra persona.
“Është një masakër dhe krim gjenocidal. Shumica e viktimave në spital ishin familje të zhvendosura, pacientë, gra e fëmijë. Sulmi gjithashtu zbulon mbështetjen amerikan dhe perëndimore për pushtimin”, u tha ndër tjera.
“Komuniteti ndërkombëtare dhe vendet arabe dhe ato islamike duhet të marrin përgjegjësinë dhe të ndërhyjnë menjëherë tani, e jo nesër për të ndalur pushtimin arrogant ndaj ushtrisë izraelite, përgjegjës për gjenocid”, thuhej më tej.
Spitali është sulmuar pa kurrfarë paralajmërimi më të hershëm, ka njoftuar Al Jazeera. E ueb-faqet palestineze dhe ato në rrjetet sociale kanë publikuar pamjet të sulmit dhe pasojat pas këtij sulmi. /Telegrafi/
