Një operacion i vështirë kërkim-shpëtimi është zhvilluar gjantë natës së kaluar në zonën e Pukës, pasi një stuhi ere në malin e Munellës hodhi në greminë, dy nga pesë eksploratoët dhe i mori jetën njerit prej tyre.
Bashkia e Pukës ka falënderuar të gjithë ata që morën pjesë në këtë operacion dhe ka publikuar momentet e rënda, ndërkohë që i ka shprehur ngushëllimet familjes së adhuruesit të natyrës, Ndoc Mulajt, që humbi jetën.
Bashkia shkroi në Fb: “Pas ngjarjes së rëndë ndodhur një natë më parë, ku humbi jetën një prej promovuesve më të mëdhenj të maleve të Pukës, miku i të gjithëve, eksploratori, Ndoc Mulaj dhe u aksidentua eksploratori Ilir Shyti dhe gazetari Alfred Lela, bashkia e Pukës ngushëllon familjen Mulaj, i uron shërim të shpejt Ilir Shytit dhe Alfred Lelës.
Dashuria për natyrën sjell dhe sakrifica e sfida si ajo që mbrëmë tronditi Pukën dhe mbarë opinionin publik. Ngushëllime dhe një herë familjes Mulaj!”
