Rreth 23 milionë euro kanë shkuar më pak në arkën e shtetit gjatë vitit të shkuar, shkaku i zbatimit të Marrëveshjes së Stabilizim-Asocimit (MSA). Efekte të kësaj natyre janë vërejtur edhe sivjet, shkruan sot Koha Ditore.
E dhëna është evidentuar në raportin e të hyrave dhe shpenzimeve të 2016-s, të cilin Qeveria e ka miratuar të mërkurën. Raporti i është përcjellë Kuvendit. Dhe, pos informatave të tjera që përmban ky dokument, në të është evidentuar edhe e dhëna për mungesë të realizimit të planit të të hyrave.
