Qeveria dhe Ministria e Ekonomisë dhe Punës janë të hapura për dialog me partnerët socialë lidhur me ndryshimet në formulën e përshtatjes së pagës minimale, konkretisht llogaritjen e saj bazuar në pagën mesatare si dhe për marrëveshjet e reja kolektive, megjithatë të gjitha vendimet duhet të bazohen në parametra ekonomikë realë.
Duke trajtuar çështjen e pagës minimale dhe raportimet për presionin e sindikatave në prag të përshtatjes ligjore të planifikuar për në mars të vitit 2027 e cila, sipas formulës aktuale, merr parasysh koston e jetesës dhe rritjen e pagës mesatare. Durmishi vuri në dukje se nga një fuqi punëtore totale prej 750.000 personash në vend, afro 30.000 prej tyre marrin pagën minimale.
“Nga të gjithë këta individë të punësuar, vetëm 30.000 qytetarë e marrin pagën minimale. Në përqindje, kjo është 4 ose 5 për qind. Megjithatë, ne e dimë se një numër i konsiderueshëm i atyre 30.000 personave janë pronarë të vetëm të bizneseve, pra, në thelb, drejtojnë kompanitë e tyre. Është jorealiste të presësh që një pronar i vetëm biznesi i cili është shefi i vetvetes të i caktojë vetes një pagë më të lartë se ajo minimale apo të paguajë kontribute më të larta për sigurimet shoqërore. Nëse e zbërthejmë shifrën prej 30.000 personash, një pjesë përbëhet nga këta pronarë të vetëm biznesesh të cilët përfaqësojnë rreth 2 për qind të atyre që marrin pagën minimale. 98 përqindëshi i mbetur nuk e merr pagën minimale. Le të jetë e qartë: pjesa tjetër është thjesht çështje politike”, deklaroi Ministri i Ekonomisë dhe Punës, Besar Durmishi në takimin me gazetarët./Alsat.mk.
The post Qeveria dhe Ministria e Ekonomisë janë të hapura për dialog për formulën e pagës minimale appeared first on Alsat.
