Ekipet e Brigadës së Zjarrfikësve të Shkupit po ndërhyjnë për të shuar një zjarr në rrugën që të çon në pikën kufitare “Bllacë”.
Zjarri është mbi autostradën Shkup – “Bllacë”, përpara tunelit në anën e djathtë dhe është në terren të pakalueshëm. Në vendngjarje, siç raportohet nga Qendra e Menaxhimit të Krizave (QMK), po digjet bari i thatë dhe zjarri po përhapet drejt pyllit.
Qendra e Menaxhimit të Krizave thotë se i ka dërguar një kërkesë për mbështetje ajrore Ministrisë së Brendshme sepse ekipet e zjarrfikësve nuk kanë mundur të ndërhyjnë nga toka. Aeroplani, thotë QMK, është në fazën e përgatitjes teknike dhe pritet të ngrihet së shpejti.
“Zjarri është me intensitet të madh dhe era e fortë po e përhap atë dhe po e drejton drejt kodrës, ndërsa dega tjetër po lëviz drejt fshatrave Bllacë dhe Çuçer Sandevë,”
thonë nga QMK-ja.
Ata thonë se për zjarrin janë njoftuar vetëqeverisja lokale në Çuçer Sandevë dhe ndërmarrja publike “Karaxhica”.
Përveç këtij zjarri, CMC thotë se katër të tjerë janë aktivë në vend.
