Qyteti i Shkupit përmes një kumtesë për media thotë se transporti publik është duke funksionuar normalisht, përkundër të siç thonë, përpjekjeve dhe presioneve politike të VMRO-DPMNE-së për të shkaktuar vështirësi të reja për qytetarët e qytetit të Shkupit.
“Aktualisht transporti publik urban shërbehet nga të gjithë autobusët e NQP-së si dhe autobusët e transportuesve privatë ndaj të cilëve qyteti i Shkupit dhe NQP nuk kanë ndonjë obligim të papaguar. Qyteti i Shkupit të gjithë nxënësve u uron një vit shkollor të suksesshëm dhe pa shqetësime”, thonë nga Qyteti i Shkupit.
