Aktakuzat e ngritura ndaj dy ministrave, një deputeti dhe katër kryetarëve të komunave janë cilësuar si raste për përmbushjen e kriterit të luftimit të korrupsionit nga Komisioni Evropian, në raportin e përpiluar nga ky komision që është publikuar sot me rastin e dhënies së rekomandimit pozitiv për heqjen e vizave të Kosovës.
Në raportin e KE-së janë veçuar edhe aktakuzat ndaj shefit të Organit Shqzrtues të Prokurimit (OSHP), tre sekretarëve të Përgjithshëm nëpër ministri dhe një ish-kryetari të Gjykatës Kushtetuese.
Mirëpo, në raport nuk janë bërë të ditur emrat e zyrtarëve të akuzuar që janë përmendur si raste të shënjetëruara për përmbushjen e kriterit për viza. Ndërkaq, disa prej rasteve dihen, siç është rasti i ish-kryetarit të Gjykatës Kushtetuese, Enver Hasani, i cili ishte akuzuar dhe pastaj liruar nga akuzat.
