Pas protestave të zhvilluara në disa kryeqytete evropiane, edhe Mynihu i Gjermanisë është bërë pjesë e mobilizimit të diasporës shqiptare kundër qeverisë.
Në fokus të protestës ishin denoncimet për dhunën ndaj qytetarëve, çështja e Zvërnecit, shitja e pronave publike, si edhe kundërshtimi i ligjeve për zonat e mbrojtura, Paketën e Maleve dhe investimet strategjike.
Protestuesit prezantuan gjithashtu një banderolë të gjatë ku paraqiteshin, sipas tyre, problematikat kryesore me të cilat përballet vendi, si dhe pyetje drejtuar qeverisë lidhur me skandalet e pretenduara dhe vendimmarrjen për çështje me interes publik. Një nga pankartat më të komentuara ishte ajo me fotografinë e një qytetareje të moshuar, e cila u shoqërua me forcë nga policia gjatë protestës së zhvilluar të enjten pranë Kuvendit të Shqipërisë. Krahas fotos ishte vendosur një mesazh që kërkonte përgjegjësi për përdorimin e forcës ndaj protestuesve.
The post Revolta kundër Ramës ‘pushton’ Mynihun, Disapora shqiptare kërkon transparencë: Rama jep dorëheqjen appeared first on Gazeta Shqiptare Online.
