Një ngjarje e pazakontë u shënua në aeroportin e Hamburgut në Gjermani.
Sipas rrjetit gjerman RTL, të paktën 16 makine policie u dërguan në aeroport për të qetësuar një protestë të pasagjerëve të një avioni që do fluturonte nga Hamburgu drejt Tiranës.
Gjithçka nisi kur u njoftua se fluturimi i datës 4 korrik do shtyhej për një ditë më vonë për shkak se avioni kishte pësuar një defekt teknik.
Për shkak se nuk lejohet fluturimi natën, 250 pasagjerë duhej të prisnin edhe një ditë tjetër.
Këtu nisi protesta e zhurmshme. Pasagjerët ishin të revoltuar pasi u skadonin edhe rezultatet e testeve anti-Covid.
Autoritetet e sigurisë së aeroportit nuk e përmbanin dot turmën, ndaj në vendin e ngjarjes mbërritën 16 makina policie.
Vetëm pas shumë negociatash, avioni u nis në fluturim në orët e para të mëngjesit të 6 korrikut.
Ngjarja në fjalë ka ndezur një debat në parlamentin vendor, për shkak të cenimit të sigurisë në aeroport, por edhe për të vënë në diskutim ndalimin e fluturimit natën.
© SYRI.net
