Lidhja Auto Moto e Maqedonisë (LAMM) njofton se ka ndryshime në komunikacion në rrugën Shkup-Bllacë. Nga LAMM shtojnë se në pikën kufitare ka probleme në terminalin në anën e Kosovës.
“Për shkak të problemeve teknike në terminalin në anën e Kosovës, komunikacioni në rrugën magjistrale Shkup – V.K. Bllacë është duke u rikahëzuar”, thuhet në njoftimin e lëshuar nga LAMM.
Komunikacioni në rrugët tjera shtetërore zhvillohet pa ndërprerje, nëpër rrugë kryesisht të thata.
LAMM rekomandon përshtatje të shpejtësisë me kushtet e rrugës, si dhe respektim të sinjalistikës rrugore.
