Kina po krijon FMN-në e saj – në fazën e parë me pjesëmarrjen e vendeve si Malajzia, Singapori, Indonezia, Hong Kongu dhe Kili, secili duke kontribuar me 15 miliardë juanë (rreth 2.2 miliardë dollarë) në rast se kanë nevojë.
Njoftimi u bë nga Banka Popullore e Kinës – dhe javën e kaluar u pasua nga shpallja e planit kino-rus nga vetë Vladimir Putin për të krijuar “anti-dollarin” për tregtinë ndërkombëtare, me pjesëmarrjen e vendeve si Brazili, India dhe Afrika e Jugut.
Siç dihet, FMN-ja “normale”, e cila ka 29 vende anëtare dhe në të cilën ndikimi amerikan është i dukshëm, u themelua në fund të vitit 1945, pas përfundimit të Luftës së Dytë Botërore për të ndihmuar zhvillimin, nëpërmjet kreditimit dhe asistencës teknike – dhe shpesh është fajësuar për politikat që “rekomandon”, siç ndodhi me vende si Greqia.
“Dollari i ri i Kinës”
Çështja e krijimit të një monedhe ndërkombëtare (në thelb, një dollar i ri, i cili do të konkurrojë me monedhën amerikane) bazohet në shportën e monedhave të vendeve tona është në shqyrtim”, tha Putin, të mërkurën e kaluar në BRICKS Business Forum – tregjet kryesore në zhvillim, i cili përfshin, përveç Rusisë dhe Kinës, Brazilin, Indinë dhe Afrikën e Jugut.
Siç dihet, sanksionet për pushtimin e Ukrainës nga Putini e kanë përjashtuar në mënyrë efektive Rusinë nga sistemi ekonomik ndërkombëtar – dhe Putin në disa raste ka qenë i shpejtë për të parashikuar se dollari do të zhvlerësohet nga pozicioni i monedhës referente për të gjithë planetin.
Në maj, rezervat valutore të Kinës – më të mëdhatë në botë – u rritën me 80.6 miliardë dollarë në 3.13 trilion dollarë.
Kujtojmë se në muajin mars pati raportime se ishte rënë dakord për një furnizim të madh nafte mes Kinës dhe Arabisë Saudite, e cila paguhet në juan, monedhën kombëtare kineze.
Siç dihet, tregtimi i naftës në mbarë botën bëhet me dollarë – dhe shumë ekonomistë e kanë cilësuar një lëvizje të tillë si “simbolike”, por shtojnë se mund të jetë një “sinjal” për të ulur varësinë e tregjeve botërore nga dollari./GSH
