Çdo fshat i Karadakut të Kumanovës ka histori specifike. Është unik në vete, shkruan News-TV.
Megjithatë, kanë një pikë të përbashkët. Që të gjitha i bashkon historia e shkruar me shkronja ngjyrë gjaku. Në konfliktin e vitit 2001 mes Ushtrisë Çlirimtare Kombëtare (UÇK) dhe ushtrisë e policisë maqedonase në fshatin Mateç të komunës së Likovës ra dëshmor, ushtari i lirisë, Iljasa Memedi.
Pikërisht, një betejë e lavdishme e ka sjell ekipin e News-TV në Mateç. Një trim i rrallë, për të cilin dëshmojnë edhe gurët e fshatit. Prindërit e kujtojnë me mall, me krenari flasin për guximin e tij.
Koinçidenca e datëlindjes së Iljasaut, me nipin e lindur në të njëjtën ditë, 16 prill, familjes i ka dhënë emocione ndryshe. Tamam një simbol i asaj se jeta ka dy anët e medaljes.
Një rrugë mbanë emrin e trimit nga Mateçi. Për këtë janë kujdesur Komuna e Likovës dhe prijësi i saj Erkan Arifi.
Vëllai i tij do të tregoj për ndjenjën se si e përjeton sa herë që sheh emrin e vëllait të tij.
Lufta, thonë, është sikur dashuria, gjithmonë e gjenë rrugën. Më 2001 kishte gjetur rrugën në Karadakun e Kumanovës për t’i dhënë fund padrejtësive ndaj shiptarëve.
Lufta është e heronjve, atë e bëjnë heronjtë- veprat e tyre janë argumentet e gjalla për luftën.
Andaj edhe i kujtojmë dhe i lavdërojmë, që guximi i tyre të bëhet mësim për ne dhe gjeneratat që vijnë pas.
Emisionin e plotë mund ta ndiqni në linkun e mëposhtëm: