Lëvizja Vetëvendosje ka njoftuar përmes faqes së Facebook-ut se në tre muajt e fundit anëtarësia e tyre është shtuar për 2000 veta të tjerë, njofton Klan Kosova.
Këto shifra u shpalosën sot në mbledhjen e rregullt dhe të përmuajshme me kryetarët dhe koordinatorët e Qendrave të Lëvizjes Vetëvendosje të kryeministrit Albin Kurti dhe ushtruesit të detyrës së sekretarit organizativ, Ismajl Kurteshit.
Në mbledhje u diskutua për gjendjen organizative në Lëvizjen VETËVENDOSJE!, me theks të veçantë në situatën në strukturat e Qendrave.
Kurti njoftoi përfaqësuesit e Qendrave me zhvillimet politike në vend, duke iu referuar posaçërisht ngjarjeve të javës së fundit.
