Samsung Electronics ka vendosur si shënjestër fillestare prodhimin e 10 milionë telefonave të mençur Galaxy S8, raportojnë mediat nga Koreja Jugore.
Samsung është duke u mbështetur në telefonin Galaxy S8 për të rikthyer shitjet pas problemeve me fabletën Galaxy Note 7 vitin e kaluar që mund të numërohet si njëra nga dështimet më të mëdha në historinë e teknologjisë, shkruan portali arbresh.info.
Kompania ende nuk ka zbuluar zyrtarisht shkakun e shpërthimeve të telefonave Note 7.
Gazetat nga Koreja Jugore thonë se krijuesi më i madh i telefonave të mençur do të filloj prodhimin në muajin mars dhe ka në plan të nis shitjet në prill.
