SASHK-u u ka bërë thirrje punonjësve të kulturës që të mos nënshkruajnë vendimet e reja për llogaritjen e pagave. Nëse nuk mbahet një mbledhje, Nedellkov tha se në seancën e Këshillit do të vendoset për hapat e ardhshëm dhe se nuk përjashtohet vendimi për grevë për shkak të vonesës së pagave dhe mosrespektimit të ligjit dhe marrëveshjeve kolektive. Nedellkov thotë se drejtorët nuk duhet të veprojnë sipas udhëzimeve të reja të Ministrisë së Kulturës dhe punonjësit nuk duhet t’i pranojnë aktvendimet e reja për llogaritjen e pagave që po u dorëzohen.
“Nuk e di si do të sillen drejtorët, a do të bëjnë rrogë apo jo, u bëj thirrje kolegëve të mos firmosin vendime me një rrogë të tillë, kjo do të jetë një sinjal i mjaftueshëm për të thënë – jo faleminderit, ne nuk jemi dakord me këtë mënyrë të llogaritjes së pagës, është e paligjshme. Marrëveshja Kolektive e thotë shumë qartë se si llogaritet paga në nenin 6 në sektorin e kulturës dhe në udhëzimet e tyre. Përllogaritja e pagës është e ndryshme, gjë që nuk korrespondon me Marrëveshjen Kolektive”, deklaroi Jakim Nedellkov – SASHK.
