Gjokoviqi refuzohet sërish, nuk do të luajë në “Miami Open”.
Novak Gjokoviq do të mungojë sërish në dy turnetë e para Masters 1000 të sezonit, në të cilat nuk ka marrë pjesë që nga viti 2019.
Pas tërheqjes nga Indian Wells, atij i është dashur të bëjë të njëjtën gjë edhe në “Miami Open” pasi nuk ka marrë një imunitet për të hyrë në Shtetet e Bashkuara, shkruan Marca, transmeton Klankosova.tv.
Pavarësisht presionit nga guvernatori i Floridës Ron DeSantis dhe senatorë të tjerë të Floridës, presidenti amerikan Joe Biden ka refuzuar t’i japë një trajtim special serb, që do të thotë se ai nuk mund të hyjë në SHBA deri pas 11 majit për shkak të statusit të tij të vaksinimit.
Miami Open do të mbahet nga 21 marsi deri më 2 prill.
