Viber ofroi detaje të një funksionalitet të ri cili do tu vijë në ndihmë me bisedat tuaja sekrete. Quhet “Secret Chats” dhe do të jetë i disponueshëm në Android dhe iOS në ditët në vijim.
Secret Chats bazohen në disa funksionalitete ekzistuese të sigurisë dhe privatësisë si enkriptimi fundor dhe vetëshkatërrimi i mesazheve me foto ose video.
Por në vend që të fshijë automatikisht një mesazh të caktuar, e gjithë biseda do të vetëshkatërrohet pas një kohe të caktuar. Ky nivel i ri sigurie është i disponueshëm jo vetëm për biseda individuale por edhe në grup.
Mesazhet vetëshkatërrues enuk janë diçka e re. Nga Snapchat tek Facebook Messenger ato janë kudo të pranishme. Por vetëshkatërrimi i një bisede të tërë shkon përtej asaj çfarë është e zakonshme për çdo aplikacion komunikimi.
