Pavarësisht njoftimit të presidentit serb Aleksandar Vuçiq se vendet e rajonit si Maqedonia, Shqipëria, Mali i Zi dhe Bosnja do të vazhdojnë të importojnë drithëra dhe miell nga Serbia, sonte Qeveria në Beograd miratoi ndalimin e përkohshëm të eksporteve.
Ndalimi mbulon miellin, grurin, misrin dhe vajin e lulediellit.
Zakonisht mullixhinjtë dhe tregtarët në Maqedoni çdo vit e plotësojnë mungesën e prodhimit vendas me importe nga Serbia. Sasitë varen nga sezoni dhe rendimenti.
Ndryshe, vetëm një javë më parë Vuçiq njoftoi se në Maqedoni do të dërgohen 50 mijë tonë grurë dhe 25 mijë tonë misër.
