Gjyqësia serbe vazhdon përndjekjen e Ramush Haradinajt, komandantit të dikurshëm të UÇK-së, transmeton Koha.net njoftimet e medieve të Beogradit.
Agjencisë Tanjug i është konfirmuar nga kreu i gjyqësisë serbe se fletarresti ndërkombëtar ndaj haradinajt mbetet në fuqi dhe se ndjekja penale e tij vazhdon. Po ashtu pohohet se nëse Prokuroria Speciale për krimet e UÇK-së në Hagë hap procedurë kundër Haradinajt, Serbia do t’ia vë në dispozicion dëshmitë që ka.
Mbetet në fuqi edhe fletarresti ndaj të gjithë të dyshuarve të tjerë pjesëtarë të UÇK-së, që janë nën hetime për krime lufte, pavarësisht nga presionet e Brukselit që të tërhiqen ”fletarrestet e skaduara”, transmeton Koha.net.
Gjykata franceze në Colmar më 27 prill refuzoi ekstradimin e Haradinajt në Serbi.
© KOHA
