Nga stuhitë e fuqishme në gjithë pjesën juglindore të Shteteve të Bashkuara, gjatë ditës së djeshme, janë vrarë së paku 18 vetë.
Më së shumti vdekje janë raportuar në Gjeorgji, ku raportohet për 14 persona të vdekur.
Guvernatori i Gjeorgjisë ka shpallur gjendje të jashtëzakonshme në shtatë rajone, në mënyrë që me procedurë të shpejtuar të lirohen burimet për ndihma në kuadër të përpjekjeve për ripërtëritje.
Autoritet kanë deklaruar se rreziku nga erërat e fuqishme mbetet edhe më tej.
