Shtetet e Bashkuara dhe NATO-ja i kanë dhënë të mërkurën “flakaresh” presidentit Hashim Thaçi, pas iniciativës së tij që transformimi i Forcës së Sigurisë në ushtri të bëhet pa ndryshuar Kushtetutën.
Të dy aleatët strategjikë të Kosovës e kanë kundërshtuar rreptë këtë proces, shkruan sot Koha Ditore.
SHBA-ja ka paralajmëruar se transformimi i mandatit të FSK-së vetëm nëpërmjet ligjit do t’idetyrojë që ta rivlerësojnë bashkëpunimin dypalësh me këtë forcë, e edhe ndihmën afatgjatë për të. Mesazhi është shprehur nëpërmjet një deklarate shtypi të Ambasadës së SHBA-së në Kosovë. Mirëpo aty është shprehur edhe gatishmëria për t’i ndihmuar procesit të transformimit në variantin që ka mbështetje ndërkombëtare.
