Njësitet e Forcës së Sigurisë së Kosovës kanë kryer një stërvitje në mjediset e KEK-ut në Obiliq.
Ushtrimi “Shqiponja 6” bashkon pjesëtarët e FSK-së me ata të KFOR-it në një operacion të simuluar kërkim shpëtimi.
Në mjediset e KEK-ut, pjesëmarrësit në këtë ushtrim do të simulojnë evitimin e një shpërthimi.
Komandanti i FSK-së, gjeneral Rrahman Rama, para se të nisë ushtrimi i sotëm falënderoi pjesëtarët e FSK-së dhe shtetet të cilat kanë kontribuuar me ushtarë në këtë ushtrim.
Ndërsa gjeneral brigade Naim Haziri ka thënë se në këtë ushtrim fushor kanë marrë pjesë 1167 pjesëtarë të FSK-së dhe shtetet pjesëmarrëse si Amerika, Turqia, Kroacia, Maqedonia, Mali i Zi e Shqipëria.
