Gjykata Supreme do të mbaj seancë publike lidhur me ankesat kundër aktvendimit për rastin “ Lagjja e Trimave”, të cilin para 2 viteve e vërtetoi Gjykata e Apelit-Shkup. Për rastin janë dënuar gjithsejtë 33 persona, 7 prej të cilëve me burgim të përjetshëm, ndërsa 13 me 40 vite heqje lirie.
Sulmi i armatosur ndodhi më 9 dhe 10 maj të vitit 2015 ndërsa zgjati më tepër se 20 orë. Jetën e humbën tetë pjesëtarë të forcave të sigurisë së Maqedonisë, ndërsa u vranë edhe 10 anëtarë të grupit të armatosur.
