Shkupi në mision për lirinë: Mbështetje për komunitetin LGBTI nga Turqia

“Sot, përpara ambasadës turke, shprehëm mbështetje për shokët tanë që po përjetojnë persekutim për shkak të aktivizmit dhe ekzistencës së tyre në Turqi. Me fjalimet tona, dërguam një kërkesë për t’i dhënë fund persekutimit, lirimin e të burgosurve politikë, ndërprerjen e procedurave gjyqësore dhe censurës. Askush nuk është i lirë derisa të jemi të gjithë të lirë”, theksuan aktivistët.

Aktivistët theksuan se që nga 12 shtatori 2026, personat, organizatat dhe aktivistët LGBTI+ në Turqi janë përballur me një valë të koordinuar arrestimesh, ndalimesh, kufizimesh dixhitale dhe shënjestrimit gjithnjë e më publik, si pjesë e operacioneve “Familja ime është e sigurt”.

“Midis aktivisteve të prekura nga këto zhvillime, ka dy gra që i njoh personalisht – Jeanset dhe Damla. Dhe kur i njeh njerëzit, e gjithë kjo merr një peshë krejtësisht të ndryshme. Sepse pas lajmeve të arrestimeve dhe ndalimeve, nuk sheh vetëm numra. Sheh njerëz me të cilët ke folur, njerëz që ke takuar, njerëz që po luftojnë të njëjtën luftë që po luftojmë ne këtu. Të jesh transgjinor nuk është krim. Të jesh gej, lezbike, biseksual ose interseksual nuk është krim”, theksoi një nga aktivistet në tubimin e sotëm. / SP