Festivali ndërkombëtar “Eurovision” këtë vit u anulua për shkak të situatës nga koronavirusi.
Por “Eurostream 2020” e solli në një formë ndryshe.
Në platformën e “Eurostream 2020” u prezantuan këngët konkurruese dhe u shpall një fitues, i cili nuk është fituesi zyrtar i këtij festivali.
Shqipëria arriti të kualifikohej në finale me këngën e Arilena Arës.
Arilena Ara përfaqësoi vendin me audion e këngës “Fall from the sky” dhe u rendit në vendin e fundit me 63 pikë, 26 pikë nga juria dhe 37 pikë nga televotimi.
Fituesi i “Eurostream 2020” u shpall grupi “Daði og Gagnamagnið”, përfaqësues i Islandës me këngën “Think about things”.
Në 5 vendet e para janë renditur Islanda, Lituania, Rusia, Suedia dhe Belgjika.
© SYRI.net
