Shpërthimi i bombolave të gazit ka lënë dy të vdekur dhe katër të lënduar në Nish të Serbisë.
Sipas deklaratës së Ministrisë së Punëve të Brendshme të Serbisë shpërthimi ka ndodhur të dielën rreth orës 15:00 në një shtëpi.
Shpërthimi ishte shumë i fortë dhe ishte dëgjuar në një pjesë të madhe të qytetit.
Mjekët kanë thënë se të gjithë të plagosurit janë në gjendje të rëndë.
Ata kanë dëmtime të shumta në trup dhe djegie, njofton Klan Kosova.
