Presidenti i Republikës së Shqipërisë, Bajram Begaj ka zhvilluar një bisedë telefonike me homologen e Kosovës, Vjosa Osmani, pas shpërthimit në kanalin e ujit në Zubin Potok.
Kreu i Shtetit ka dënuar ashpër aktet terroriste me lëndë eksplozive mbi Kanalin e Ibër-Lepenic.
Begaj shprehet se këto akte synojnë shkatërrimin e infrastrukturës kritike të Kosovës e cënon sigurinë kombëtare të Kosovës.
Presidenti mbështeti fuqishëm të gjitha përpjekjet e Kosovës për përballimin e situatës dhe hetimin e ndëshkimin e plotë të këtij akti sabotues e terrorist.
