Xhevdet Pozhari
Nuk ka zyrtarizim të gjuhës shqipe në Maqedoni, por avancim të përdorimit të saj. Një “sukses” ky i arritur pas 4 mandatesh të bashkëqeverisjes së BDI – së me mandatarët maqedonas. Qysh në mandatin e parë, partia që i përfaqësonte shqiptarët e dinte se nuk mund të krijohet qeveri në Maqedoni pa palën shqiptare. Dhe ky kusht për bashkëqeverisje do të mund të vendosej qëmoti.
Pse u desht të pritej gjithë këto vite dhe pse në fund u vetmjaftuan vetëm me avancim, këta mbase e shpjegon udhëheqja e LSDM – së e cila synon votat e shqiptarëve dhe të ringjallë ëndrrën e mini Jugosllavisë ku shqiptarëve të drejtat u jepeshin me këste, ndërsa në emër të këtyre të drejtave përfituesit më të mëdhenj ishin politikanët shqiptar të korruptuar – të njëjtit që sot duan të paqiten si “heronj”.
