Nëna e Mark Samson, vrasësit të 22-vjeçares shqiptare Ilaria Sula, ka deklaruar se nuk ishte e lumtur me marrëdhënien e viktimës me djalin e saj, për shkak se i biri duhet të studionte dhe të jepte provimet në universitet.
Deklaratat vijnë të pasi policia italiane po heton rolin e prindërve të 23-vjeçarit, Rik Samson dhe gruas së tij Nors Mazlapan, në vrasjen makabre të studentes Ilaria.
Ka dyshime se ata mund të kenë pasur rol në fshehjen e trupit të Ilarias, duke ndihmuar djalin e saj të pastronte dhomën e tij dhe ta vendoste trupin e mbyllur në valixhe brenda makinës, ose mund ta kenë parë Ilaria teksa vdiste dhe nuk kanë kërkuar ndihmë, rrethanë që mund t’u kushtonte atyre bashkëpunimin në vrasje.
Nëna e Mark Samson deklaroi se nuk kishte vënë re asgjë, as që Ilaria ishte në shtëpi dhe as se ishte vrarë.
Të njëjtën gjë ka deklaruar edhe babai i 23-vjeçarit që goditi 3 herë me thikë ish të dashurën e tij, Ilaria Sula.
Deklarata e nënës së autorit
Marku, një fëmijë i vetëm dhe luante basketboll. Ai takua me viktimën më shumë se një vit më parë në McDonald’s në Piazzale Flaminio ku të dy punonin me kohë të pjesshme.
Mes tyre nisi një romancë, e cila përfundoi më 19 mars, 6 ditë përpara se Ilaria të zhdukej dhe të gjendej brenda një valixheje të hedhur nga një shkëmb në zonën pyjore të Bashkisë Poli.
Por, Ilaria Sula prej muajsh nuk shkonte më banesën e ish të dashurit të saj në rrugën Homs.
Përsa i përket pyetjeve për prindërit e tij, autori gjatë marrjes në pyetje në gjykatë ka shfrytëzuar të drejtën për të mos u përgjigjur.
Prindërit e tij deklaruar se nuk kishin vënë re asgjë, nuk kishin dëgjuar asnjë britmë apo zhurmë të dyshimtë dhe as nuk e kishin parë 22-vjeçaren në banesën e tyre të vogël.
“Unë thjesht doja që ai të studionte”, përsëriti nëna e tij.
