Sakte.net 03 Shtator 2016 13:25
Kompanitë e basteve në Serbi i referohen Kosovës si “Kosova është Serbi”.
Kosova do të takohet me Finlandën në ndeshjen e parë kualifikuese për Kampionatin botëror 2018 në futboll.
Skuadra e Albert Bunjakit do të luajë si mysafire të hënën.
Dhe, kompanitë e basteve, duke marrë parasysh që kjo është ndeshja e parë e Kosovës në kualifikime të një gare të madhe, i kanë vendosur koeficient të lartë, 7, përcjell “Lajmi.net”.
Por në Serbi vazhdojnë skandalet, ku në një pikë basti atje nuk bie në sy numri i koeficientëve të ndeshjes, por emri se si është paraqitur Kosova.
Në këtë pikë bastesh Kosova është quajtur “Kosova është Serbi”.
