Mbi 10 mijë punëtorë të kompanive sllovene, tregtisë dhe sektorit shërbyes prej sot nisën me punë, pas ndalesës disajavore, si pasojë e përhapjes së koronavirusit.
Nga kompanitë më të mëdha, me punë ka filluar “Gorenje”, “Adria mobil” , por filluan me punë edhe dyqanet për shitje të materialeve ndërtimore, teknikës së bardhë dhe kopshteve. Po ashtu prej sot janë hapur edhe serviset për automobile dhe servise tjera, ndërsa kthehen në punë edhe punëtorët e ndërtimit, përcjell INA.Oda Ekonomike sllovene tha se punëdhënësit duhet të respektojnë rregullat sipas rekomandimeve të Institutit Kombëtar të Shëndetit Publik. Por, Sindikatat i kanë bërë thirrje autoriteteve shëndetësore që të përmirësojnë rekomandimet për të siguruar shëndetin e punëtorëve, dhe se nuk mund të rrezikohet shëndeti i tyre për favoret e kapitaleve. /INA
